...Nyanda eh! Ini boke pe nama Nangka! :: Humor Bahasa Manado...
Ada ini sopir mikro (angkot) jurusan Aermadidi-Kauditan orang Advent (aliran agama Kristen yg melarang makan babi). Waktu ba muat penumpang di hari pasar Aermadidi, ca' so bilang memang pa calon penumpang, nimbole muat boke (babi) pa depe oto.
Datang ini oom bawa karong kong dia iko muat di oto. Tu sopir yang curiga langsung batanya, "Apa di dalam karong, oom?" Itu oom langsung manyao, "Nangka."
Lantaran oto langsung fol (penuh) waktu itu oom nae, jadi sopir langsung berangkat.
Oto so bajalan agak jao kong tu karong rupa ba bagerak. Sopir langsung ba tengo ke belakang. "Oom! Ada bagerak tu karong tadi?". Oom bilang, "Nyanda egh! Cuma sopir perasaan itu."
Lanjut perjalanan. Pas sampe di Kaima ada jalan lobang kong oto ta tada di jalan lobang. Tiba-tiba dapa dengar bunyi "Grrok.. Uikk.." dari arah karong, kong jelas-jelas dapa lia itu karong balumpa. Sopir langsung brenti kong ba marah pa oom.
Sopir: "Boke itu kang?"
Oom : "I-iyo..."
Sopir: "Tadi kwa bilang nangka!! Ba towo (dusta) oom ini egh!"
Oom : "Nyanda eh! Ini boke pe nama Nangka!"
Humor bahasa manado, humor manado lucu, lelucon manado kocak, jokes manado gokil
| Sent from my BlackBerry® powered by Repenciz for Humor BBM Blogspot. If you want send funny article & Humor pictures just send email to: kumpulan.humor@gmail.com and notify your URL |
